Kryeministri Edi Rama dha mbrëmë një intervistë të gjatë në emisionin “Të Paekspozuarit” të Ylli Rakipit në “News 24”. Ai foli për zgjedhjet, problemet në koalicion dhe takimin e mundshëm me Lulzim Bashën. (lart, shih intervistën e plotë)
Në fund të emisionit “Të Paekspozuarit” Edi Rama ka bërë një deklaratë të fortë duke “sfiduar” Ilir Metën që ka kërkuar “qeveri besimi”: “Unë nuk kam arsye të kërkoj mocion besimi. Nëse Ilir Meta nuk ka besim tek unë dhe tek kjo qeveri paraqit mocion mosbesimi”. Një sfidë e hapur kjo që me shumë gjasë do të marrë përgjigjen e Ilir Metës shpejt gjatë ditëve në vazhdim.
Edi Rama thotë se nuk di gjë, nëse Ilir Meta ka dëshirë të jetë kryeministër, por sërish i kujton se duhet të dalë forcë e parë që të arrijë postin e kryeministrit. Gjatë bisedës me Ylli Rakipin në Neës24, Rama tha se ‘Meta e ka gabim që mendon se kriza zgjidhet në këtë mënyrë’. “Ai po stimulon krizën duke i dhënë oksigjen çadrës”, tha Rama.
“Ka një ligjësi demokracia, forca e parë është forca fituese, përkthehet në të gjitha demokracitë kushtetuese.
Nëse Ilir Meta dhe LSI dalin të parët, nuk diskutohet kjo
Nëse nuk dalin të parët, nuk diskutohet e kundërta.
Ju thatë, që Ilir Meta ka pretendime më të mëdha. Mua nuk më ka ekspozuar pretendime më të mëdha” u shpreh Rama.
GSH.al